Breyer hættir sem dómari á morgun

Stephen Breyer hæstaréttardómari hefur sent Joe Biden, forseta Bandaríkjanna, bréf þar sem hann tilkynnir honum að á morgun fari hann á eftirlaun.

Í bréfinu vísar hann til þess að hann hafi tilkynnt Biden fyrr á árinu að hann hygðist hætta störfum þegar dómstóllinn færi í sumarfrí.

Frétt af mbl.is

Fyrsta svarta konan til að gegna embættinu

Þá bætir hann við að Biden og að öldungadeild Bandaríkjanna hafi tilnefnt Ketanji Brown Jackson til að taka við starfi hans og að hann líti svo á að hún sé tilbúin að hefja störf sem 116. dómarinn við dómstólinn.

Ketanji Brown Jackson og Joe Biden Bandaríkjaforseti. AFP

Íhaldsami áfram í meirihluta

Breyer og Jackson þykja bæði frjálslynd í túlkun sinni á stjórnarskrá Bandaríkjanna. Hlut­fall íhalds­samra og frjáls­lyndra inn­an dóm­stóls­ins, sem skip­ar níu manns, er því ekki talið munu breyt­ast og verða íhald­sam­ir áfram í meiri­hluta, eða sex á móti þrem­ur.

„Það hefur verið mér mikill heiður sem dómari að taka þátt í því að viðhalda reglum stjórnarskrárinnar og réttarríkinu,“ skrifar Breyer.

• Blogga um frétt