Bretar hafa efnt til nýrra viðskiptaþvingana í tengslum við stríðið í Úkraínu, þar á meðal gegn Vladimir Potanin, næstríkasta manni Rússlands.

Potanin „heldur áfram að sanka að sér auði“ eftir að Vladimír Pútín Rússlandsforseti fyrirskipaði innrásina, sagði ríkisstjórn Bretlands.

Franski bankinn Societe Generale gekk í síðasta mánuði frá sölunni á rússnesku útibúi sínu Rosbank til fjárfestingarfyrirtækis sem Potanin stofnaði.

Frétt af mbl.is

Societe Generale kveður Rússland

Potanin er einnig einn af eigendum rússneska námurisans Norilsk Nickel. Tímaritið Forbes segir hann næstríkasta einstaklinginn í Rússlandi og voru auðæfi hans í fyrra metin á 27 milljarða dala.

Bretar hafa einnig beitt Önnu Tsivilevu, frænku Pútíns, viðskiptaþvingunum. Hún er yfirmaður rússneska kolanámufyrirtækisins JSC Kolmar Group.

„Viðskiptaþvinganirnar í dag sýna að ekkert og enginn er utan seilingar, þar á meðal innsti hringur Pútíns,“ sagði talsmaður bresku ríkisstjórnarinnar í yfirlýsingu.

„Svo lengi sem Pútín heldur áfram hryllilegum árásum sínum á Úkraínu munum við halda áfram að beita þvingunum til að veikja rússnesku hervélina.“

Tengdar fréttir

Úkraína

Fjórir féllu í árás Rússa á Kænugarð

• Rússar sagðir hafa ætlað að ráðast á flugfélög
• Umfangsmesta loftárás Úkraínumanna til þessa
• Vill senda úkraínska slökkviliðsmenn til LA
• Vill úkraínska fanga í skiptum fyrir norðurkóreska

» Fleiri tengdar fréttir

• Blogga um frétt