Norðmenn ætla að útvega Úkraínumönnum þrjú eldflaugakerfi, en stutt er síðan Bretar, Þjóðverjar og Bandaríkjamenn ákváðu slíkt hið sama.

Frétt af mbl.is

Úkraínumenn fá eldflaugar frá Bretum

Stjórnvöld í Kænugarði, höfuðborg Úkraínu, hafa ítrekað beðið samherja sína um að útvega þeim aukinn stórskotabúnað, enda hafa úkraínskir hermenn átt vandræðum með að verjast árásum Rússa á Donbass-svæðinu í austurhluta landsins.

„Við verðum að halda áfram að styðja við bakið á Úkraínu til að þeir geti barist fyrir frelsi sínu og sjálfstæði,“ sagði Bjørn Arild Gram, varnarmálaráðherra Noregs, í yfirlýsingu.

Frétt af mbl.is

Segir Rússa eiga heitt sumar í vændum

Eldflaugakerfið, sem getur skotið mörgum eldflaugum á skömmum tíma, er nákvæmara og langdrægara en þau vopn sem Rússar hafa notað í stríðinu.

Byssur verða einnig sendar til Úkraínu í samstarfi við Breta, auk þess sem Norðmenn ætla að senda Úkraínumönnum fimm þúsund handsprengjur til viðbótar þeim fimm þúsundum sem þeir hafa nú þegar útvegað þeim.

Tengdar fréttir

Úkraína

Fjórir féllu í árás Rússa á Kænugarð

• Rússar sagðir hafa ætlað að ráðast á flugfélög
• Umfangsmesta loftárás Úkraínumanna til þessa
• Vill senda úkraínska slökkviliðsmenn til LA
• Vill úkraínska fanga í skiptum fyrir norðurkóreska

» Fleiri tengdar fréttir

• Blogga um frétt