Joe Biden Bandaríkjaforseti ætlar að senda aukinn herafla til Evrópu til stuðnings Atlantshafsbandalaginu, NATO. Hann segir meiri þörf fyrir bandalagið núna en nokkru sinni fyrr.

Frétt af mbl.is

NATO stafi „skýr ógn“ af Rússlandi

NATO verður „styrkt í allar áttir og á öllum svæðum – í lofti, láði og legi,“ sagði Biden á ráðstefnu bandalagsins í Madríd, höfuðborg Spánar.

Biden, sem var á fundi með Jens Stoltenberg, framkvæmdastjóra NATO, sagði meðal annars að bandarískum tundurspillum verður fjölgað úr fjórum í sex í bænum Rota á Spáni, bækistöðvar fyrir bandaríska hermenn verða til frambúðar í Póllandi, þrjú þúsund hermenn verða fluttir til Rúmeníu ásamt tvö þúsund manna hópi til viðbótar og loftvarnir verða efldar í Þýskalandi og á Ítalíu.

Biden í Madríd ásamt Erdogan, forseta Tyrklands (lengst til vinstri), og Stoltenberg. AFP

„Saman ætlum við að tryggja að NATO verði tilbúið til að takast á við ógnir úr öllum áttum og á öllum svæðum,“ sagði Biden.

Hann sagði Pútín Rússlandsforseta hafa eyðilagt friðinn sem ríkti í Evrópu og að Bandaríkin og samherjar þeirra ætli sér að bregðast við.

„Við ætlum að taka skref upp á við og sanna að það er meiri þörf fyrir NATO en nokkru sinni fyrr og bandalagið hefur aldrei verið mikilvægara.“

Tengdar fréttir

Úkraína

Fjórir féllu í árás Rússa á Kænugarð

• Rússar sagðir hafa ætlað að ráðast á flugfélög
• Umfangsmesta loftárás Úkraínumanna til þessa
• Vill senda úkraínska slökkviliðsmenn til LA
• Vill úkraínska fanga í skiptum fyrir norðurkóreska

» Fleiri tengdar fréttir

• Blogga um frétt