Assange áfrýjar ákvörðun breskra stjórnvalda
Setja bókamerki
Julian Assange, stofnandi Wikileaks, hefur áfrýjað ákvörðun stjórnvalda Bretlands um að samþykkja framsalsbeiðni Bandaríkjanna yfir honum til hæstaréttar í Lundúnum.
Assange verður 51 árs á sunnudag og hefur verið í fangelsi í Bretlandi frá árinu 2019. Fyrir það dvaldi hann í sendiráði Ekvador í Lundúnum í sjö ár.
Stella, eiginkona Assange, og stuðningsmenn hans mótmæltu fyrir utan innanríkisráðuneyti Bretlands í dag.
„Við erum ekki að enda komin,“ sagði Stella við blaðamenn í dag en þau giftu sig fyrr á þessu ári.
„Við ætlum að berjast. Við ætlum að nýta allar leiðir til þess að áfrýja.“
Assange er eftirlýstur í Bandaríkjunum fyrir að hafa lekið trúnaðarupplýsingum Bandaríkjahers árin 2010 og 2011. Hann gæti átt allt að 175 ára fangelsisdóm yfir höfði sér vegna meintra brota gegn njósnalöggjöf landsins.
Myndir: Grindavíkurvegur aftur undir hraun
Spara stórfé með olíukaupum ytra
Drónamyndskeið frá hápunkti gossins í nótt
Hraunið náð Njarðvíkuræð: Fylgjast með raflínu
Ástæða til að ætla að eldgosahrinu fari að ljúka
Úlfar: Heppileg tímasetning á gosinu
Mæðgur dæmdar til að greiða 64 milljónir
Hraun fór yfir Grindavíkurveg