Mótmæla byssulöggjöf með skotárásina að vopni
Setja bókamerki
Þrír frambjóðendur Repúblikanaflokksins í Bandaríkjunum hafa nú notað skotárásina í verslunarmiðstöðinni Field's í Kaupmannahöfn sem rök gegn byssulöggjöf.
Þessir þrír frambjóðendur hafa allir tjáð sig á samfélagsmiðlinum Twitter í kjölfar skotárásarinnar. Allar færslur þeirra snúað að því að skotárásin í Danmörku, þar sem byssur eru bannaðar, sé sönnun þess efnis að byssulöggjöf í Bandaríkjunum eigi ekki eftir að draga úr tíðum skotárásum þar í landi.
Bjóða sig öll fram fyrir Repúblikanaflokkinn
Lavern Spicer sem býður sig fram fyrir hönd Repúblikanaflokksins í Flórída-ríki fyrir þingkosningarnar í Bandaríkjunum 2024 tjáði sig til dæmis í færslu sinni á Twitter. „Skotárás í Kaupmannahöfn í Danmörku þar sem byssur eru bannaðar? Vá, ég get ekki beðið eftir því að vinstrið reyni að útskýra hvernig það gerðist.“
Þá segir Irene Armendariz-Jackson sem býður sig fram fyrir repúblikana í Texas-ríki „skotárás þar sem er nánast ómögulegt að nálgast byssu fyrir almenning afsannar öll sjónarmið vinstrisins um byssur.“
Willie J. Montague sem býður sig einnig fram fyrir repúblikana í Flórída segist biðja fyrir Kaupmannahöfn og vinstri sinnuðum flokkum. „Ég bið fyrir fólkinu í Kaupmannahöfn. Ég bið einnig svo að vinstrið vakni og sjái að ekki er komið í veg fyrir skotárásir með byssulöggjöf,“ segir í færslu Montague.
Þess má þó geta að um er að ræða fyrstu skotárásina í Danmörku í mörg ár en í Bandaríkjunum er skotárás daglegt brauð. Á hverjum degi eru 321 manns skotin í Bandaríkjunum samkvæmt tölfræði frá 2015 til 2019.
Hugleiðir framboð til formanns
Rífur upp alls konar minningar
Óvenjuleg virkni sem getur leitt til eldgoss
Vildu ekki viðurkenna að þarna væri snjóflóðahætta
Játaði allt á fyrsta degi