Skipar Rússum að berjast áfram
Setja bókamerki
Vladimír Pútin, forseti Rússlands, hefur skipað rússneskum hermönnum að fara í enn frekari sókn í Donbas-héraðinu í austurhluta Úkraínu eftir að Rússar náðu stjórn á borginni Lísítsjansk.
Volodimír Selenskí, forseti Úkraínu, hefur óskað efir fleiri vopnum frá Vesturlöndum í kjölfar ósigursins í Lísítsjansk svo Úkraínumenn geti haldið upp andspyrnu og endurheimt glatað landsvæði.
Eftir að hafa gefist upp á upphaflegu stríðsmarkmiði sínu um að ná stjórn á Kænugarði hafa Rússar einbeitt sér að því að tryggja yfirráð yfir héröðunum, Dónetsk og Lúgansk, sem mynda Donbas-svæðið.
Full stjórn á Lúgansk
Rússneski varnarmálaráðherrann, Sergei Shoigu, sagði Pútín á fundi að rússneskar hersveitir hefðu nú fulla stjórn á Lúgansk-héraðinu.
Til marks um að ekkert lát yrði á átökunum og að Rússar hefðu nú augastað á Dónetsk sagði Pútín við Shoigu að hermenn sem staðsettir eru á svæðinu yrðu að halda áfram aðgerðum sínum.
„Hersveitir, þar á meðal austurhópurinn og vesturhópinn verða að sinna verkefnum sínum samkvæmt áður samþykktum áætlunum,” sagði Pútin.
„Ég vona að allt haldi áfram í þá átt sem það hefur farið í Lúgansk hingað til,” bætti hann við.
Úkraínski herinn sagði í gær að hann væri að hörfa frá Lítisjansk til að koma í veg fyrir fleiri dauðsföll innan hersveitarinnar. Vika er síðan að Úkraínumenn hörfuðu frá borginni Severódónetsk.
Síminn stoppar ekki hjá Árekstur.is
Óeðlilegt að sama gjald verði tekið óháð þyngd
Unnu eftir kröfugerð sem lögð var fram í upphafi
Hálfgerð martröð fyrir kosningastjóra
Mjög dýrt að tryggja landamærin
110 milljónir í stöðu prófessors
Vonast eftir breiðri þverpólitískri sátt
