Maðurinn sem er grunaður um hafa skotið þrjá til bana í verslunarmiðstöðinni Field's í Kaupmannahöfn á sunnudaginn hringdi í neyðarlínu geðlækna síðdegis sama dag. Enginn svaraði og stuttu seinna hófst skotárásin í Field's.

Þetta kemur fram í frétt danska ríkisútvarpsins, DR.

Frétt af mbl.is

Þrír látnir og fjórir alvarlega særðir

Enginn geðlæknir gat svarað manninum þar sem opnunartími neyðarlínunnar var breyttur vegna sumarleyfa. Eftir því sem fram kemur í frétt DR um málið er ekki vitað hvers vegna maðurinn hringdi í neyðarlínuna en stuttu seinna gekk hann vopnaður inn í verslunarmiðstöðina Field's og skaut þar þrjá til bana og særði fjóra, þar af einn lífshættulega.

Frétt af mbl.is

Ófölsuð myndskeið og andleg veikindi

Lögregla hefur staðfest að maðurinn sem var handtekinn hafi átt við andleg veikindi að stríða. Hefur hann nú verið úrskurðaður í gæsluvarðhald til 28. júlí en mun dvelja á geðdeild, ekki í fangelsi.

Tengdar fréttir

Skotárás í Field's í Kaupmannahöfn

Sagður hafa íhugað að ráðast á leikskóla

• Skotmaðurinn í Field's ákærður
• Alhæfing elur á fordómum og ótta
• Snorri kom konu til bjargar inni í Field's
• Minntust fórnarlamba skotárásar

» Fleiri tengdar fréttir

• Blogga um frétt