Erlent | AFP | 8.7.2022 | 15:10

„Harmleikur fyrir Japan“

Joe Biden Bandaríkjaforseti er hissa, hneykslaður og sorgmæddur yfir morðinu á Abe. AFP

Joe Biden Bandaríkjaforseti segist vera hissa, hneykslaður og gríðarlega sorgmæddur yfir morðinu á fyrrverandi forsætisráðherra Japans, Shinzo Abe.

Abe varð fyrir skotárás í morgun á meðan hann flutti kosningaræðu í japanska héraðinu Nara.

Orðlaus yfir morðinu á Abe

„Þetta er harmleikur fyrir Japan og alla sem þekktu Abe,“ segir í yfirlýsingu frá forsetanum.

„Meira að segja þegar hann lét lífið vann hann í þágu lýðræðisins. Bandaríkin standa með Japan á þessari sorgarstundu. Ég sendi fjölskyldu hans mínar dýpstu samúðarkveðjur.“

Obama og Trump senda samúðarkveðjur

Barack Obama, fyrrum Bandaríkjaforseti, lýsti Abe sem vini sínum og gömlum félaga og sagði hann hafa gefið sig allan í að þjóna landinu sínu auk þess að stuðla að einstöku sambandi Bandaríkjanna og Japans.

Donald Trump, fyrrum Bandaríkjaforseti, tjáði sig einnig um morðið og sagði að vonandi yrði tekið hart á málinu. Um Abe sagði hann:

„Hann var einstakur leiðtogi en síðast en ekki síst maður sem elskaði og dáði sitt frábæra land, Japan. Shinzo Abe verður sárlega saknað.“