Orðlaus yfir morðinu á Abe
Setja bókamerki
Fumio Kishida, forsætisráðherra Japans, segist vera orðlaus eftir að forsætisráðherranum fyrrverandi Shinzo Abe var ráðinn bani. Kishidia heitir því að japanska lýðræðið muni „aldrei láta undan ofbeldi“.
„Ég bað fyrir því að lífi hans yrði bjargað en þrátt fyrir það frétti ég af dauða hans,“ sagði Kishida við blaðamenn.
„Mér þykir þetta afar leitt. Ég er orðlaus. Ég vil votta innilega samúð mína og óska þess að sál hans muni hvíla í friði.“
Abe, sem starfaði lengst allra sem forsætisráðherra í Japan, hætti störfum árið 2020 af heilbrigðisástæðum.
Hann var skotinn í hálsinn er hann flutti kosningaræðu í japanska héraðinu Nara. Hann gat talað rétt eftir árásina en missti svo meðvitund og lést í framhaldinu á sjúkrahúsi eftir að hafa missti mikið blóð.
Meintur árásarmaður, Tetsuya Yamagami, var handtekinn eftir árásina. Hann er sagður hafa notað handgerða byssu við verknaðinn en byssulöggjöf Japans er mjög ströng og afar erfitt er að verða sér úti um byssur.
„Sársauki okkar er nístandi“
Vara við svindli í Zagreb
Þykir gott að flóðin féllu
Viljum hvorki vera Danir né Bandaríkjamenn
Stefnt að afgreiðslu Íslandsbankasölu á vorþingi
Vonast til að menn sjái alvöru málsins