Volodimír Selenskí forseti Úkraínu hefur kallað sendiherra landsins í Þýskalandi, Andrí Melník, aftur til heimalands síns.

Sendiherrar Úkraínu í Indlandi, Tékklandi, Noregi og Ungverjalandi hafa einnig verið kallaðir heim, að því er fram kemur í tilkynningu á vef forsetaembættisins.

Andrí Melník, hér fyrir aftan utanríkisráðherrann Dmítró Kúleba. AFP

Átt háværa rödd

Þýsku dagblöðin Bild og Süddeutsche Zeitung greindu frá því á þriðjudag að búist væri við að Melník yfirgæfi sendiráðið í Berlín til að taka við annarri stöðu í utanríkisráðuneytinu í Kænugarði.

Melník hefur átt háværa rödd í umræðunni í Þýskalandi eftir að rússneski herinn réðst inn í Úkraínu í febrúar, eins og getið er í umfjöllun Deutsche Welle.

Ítrekaðar óskir hans um meiri aðstoð, sérstaklega í formi vopnaútflutnings frá Þýskalandi til Úkraínu, hafa ítrekað ratað í fyrirsagnir þýskra miðla.

Tengdar fréttir

Úkraína

Fjórir féllu í árás Rússa á Kænugarð

• Rússar sagðir hafa ætlað að ráðast á flugfélög
• Umfangsmesta loftárás Úkraínumanna til þessa
• Vill senda úkraínska slökkviliðsmenn til LA
• Vill úkraínska fanga í skiptum fyrir norðurkóreska

» Fleiri tengdar fréttir

• Blogga um frétt