Uppljóstrari Uber-skjalanna stígur fram

Hagsmunavörður (e. lobbyist) hjá akstursþjónustunni Uber, Mark MacGann, hefur stigið fram sem uppljóstrari Uber-skjalanna.

Um 124.000 skrám var lekið til breska fjölmiðilins Guardian en á meðal þeirra eru 83.000 tölvu­póst­ar. Gögn­in af­hjúpa til dæmis hvernig Uber hef­ur beitt sér í sam­skipt­um við hátt setta stjórn­mála­menn sem og ámæl­is­verða verk­ferla fyr­ir­tæk­is­ins sem var ætlað að tryggja að lög­regla fengi ekki aðgang að tölv­um fyr­ir­tæk­is­ins.

Frétt af mbl.is

Vilja þingrannsókn á Macron í kjölfar gagnalekans

MacGann var fremstur í flokki í hagsmunagæslu fyrirtækisins í Evrópu, Afríku og í Mið-Austurlöndum frá árinu 2014 til 2016.

„Ég var sá sem talaði við ríkisstjórnir“

Hann segir að hann hafi stigið fram vegna þess að hann teljii að Uber hafi brotið lög í tugum landa og kynnt viðskiptialíkan fyrirtækisins á misvísandi hátt.

„Ég var sá sem talaði við ríkisstjórnir. Ég var sá sem ýtti málum áfram í fjölmiðlum. Ég var sá sem sagði fólki að það ætti að breyta reglunum því ökumenn myndu hagnast á því og fólk ætti eftir að fá svo mörg fjárhagsleg tækifæri vegna þess,“ sagði MacGann í viðtali við Guardian.

„Þegar í ljós kom að það var ekki tilfellið – við höfðum í raun selt fólki lygar – hvernig getur þú haft hreina samvisku ef þú stendur ekki upp og gengst við eigin framlagi að því hvernig komið er fram við fólk í dag?“

Frétt af mbl.is

Stjórnmálamenn hjálpuðu Uber

• Blogga um frétt