Forseti Srí Lanka flýr heimaland sitt
Setja bókamerki
Gotabaya Rajapaksa, forseti Srí Lanka, hefur flúið heimaland sitt og er nú kominn til Maldíveyja.
Forsetinn flaug, ásamt eiginkonu og lífverði, með Antonov-32 herflugvél frá alþjóðaflugvelli í Srí Lanka til Maldíveyja.
Er þau lentu voru þau flutt með lögreglufylgd á ótilgreindan stað, hefur AFP eftir flugvallastarfsmanni á svæðinu.
Efnahagurinn aldrei verri
Ásamt öðrum stjórnmálamönnum í landinu hefur forsetinn verið mikið gagnrýndur, en efnahagsástand í eyríkinu hefur aldrei verið verra.
Rajapaksa sagði um helgina að hann ætlaði sér að segja starfi sínu lausu á miðvikudag til að greiða fyrir friðsamlegum stjórnarskiptum. Tugir þúsunda mótmælanda brutust inn í heimili hans í höfuðborginni Colombo.
Ásamt sögulegum efnahagsvandræðum í landinu hefur eyríkið nánast klárað allan eldsneytisforða sinn. Ríkisstjórnin hefur fyrirskipað lokanir á ónauðsynlegum skrifstofum og skólum til að minnka ferðir á milli staða og spara þannig eldsneyti.
Búið að opna Hellisheiði
Býst við meiri aðsókn í janúar
Æskuvinir sem fóru í víninnflutning frá Georgíu
Rúta með yfir 20 farþegum fór út af vegi
Sex fluttir með þyrlunni og þar af eitt barn
Vonskuveður yfir jólahátíðina
Boða 100 milljóna hagnað á næsta ári