Leiðtogi Ríkis íslams í Sýrlandi allur
Vegurinn sem al-Agal var skotinn á er talsvert skemmdur eftir árásina.
AFP/Bakr Alkasem
Setja bókamerki
Leiðtogi Ríkis íslams í Sýrlandi féll í drónaárás í dag. Þetta kemur fram í tilkynningu frá varnarmálaráðuneyti Bandaríkjanna.
Leiðtoginn, Maher al-Agal, var keyrandi á mótorhjóli nálægt Jindires í norðurhluta Sýrlands þegar árásin átti sér stað. Einnig slasaðist einn af helstu aðstoðarmönnum hans alvarlega í árásinni að sögn talsmanns bandaríska varnarmálaráðuneytisins, Dave Eastburn.
Í tilkynningu frá miðstjórn bandaríkjahers segir að al-Agal hafi verið einn af fimm valdamestu leiðtogum Ríki íslams.
„Til viðbótar við að vera háttsettur leiðtogi hópsins, ber al-Agal ábyrgð á uppbyggingu tengsla Ríki íslams fyrir utan landsteina Íraks og Sýrlands,“ segir í tilkynningunni.
Bjarni: „Útilokað að þetta geti gengið upp“
Funda með þingflokkum
Víkingar komnir yfir 800 milljónir í greiðslur
Samfylking og Viðreisn gáfu loforð
Fyrsti blaðamannafundurinn í heild sinni
Alvarleg netárás á Wise
Var engin kristnitaka árið 1000?
