Réðust inn á skrifstofu forsætisráðherrans
Setja bókamerki
Mótmælendur hafa brotist inn á skrifstofu forsætisráðherrans í Srí Lanka, aðeins klukkustundum eftir að hann var tilnefndur starfandi forseti.
Að sögn vitna hafa mótmælendur klifrað upp á svalir hússins og flagga þar fána Srí Lanka og öskra af fögnuði en mótmælendur komust inn fyrir hlið hússins eftir klukkutímalöng átök við vopnaða lögreglumenn sem beittu m.a. táragasi.
Þá hafa mótmælendur einnig brotist inn í húsakynni ríkissjónvarps Srí Lanka og tóku í stutta stund yfir útsendingar.
Gotabaya Rajapaksa, forseti Srí Lanka, flúði heimaland sitt í gær og er nú kominn til Maldíveyja. Neyðarástandi hefur verið lýst yfir í landinu í kjölfar þess.
Forsetisráðherrann orðinn forseti
Ranil Wickremesinghe, forsætisráðherra Srí Lanka, var skipaður starfandi forseti í morgun í ljósi þess að Rajapaksa var erlendis. Þúsundir mótmælenda kröfðust þess að báðir mennirnir segðu af sér.
„Vegna vera sinnar erlendis sagði Rajapaksa forseti mér að hann hefði skipað forsætisráðherra til að starfa sem forseti í samræmi við stjórnarskrána,“ sagði þingforsetinn, Mahinda Yapa Abeywardana, í stuttri sjónvarpsyfirlýsingu.
Viðreisn í mikilli sókn
110 milljónir í stöðu prófessors
Frestar skerðingum fyrir norðan og austan
Vonast eftir breiðri þverpólitískri sátt
Hálfgerð martröð fyrir kosningastjóra
„Mjög bagalegt“ að klára ekki málið
Upptökur með leynd færast í vöxt
