Starfsmenn verða yfirheyrðir

Starfsmenn í tívolíinu Friheden í Árósum í Danmörku eru meðal þeirra sem lögreglan ætlar að yfirheyra vegna banaslyssins sem varð þar í gær. Óljóst er hvenær tívolíð opnar aftur þar sem lögreglan rannsakar nú slysið á staðnum.

Danska ríkisútvarpið greinir frá.

Greint var frá því í gær að 14 ára stúlka hafi látið lífið er rússíbani bilaði í tívolíinu. 13 ára strákur slasaðist einnig í slysinu.

Frétt af mbl.is

Banaslys í Friheden-tívolí í Árósum

Þá hefur lögreglan hvatt fólk til að deila hvorki myndum né myndböndum af slysinu á samfélagsmiðlum.

Lögreglan rannsakar málið. Mikkel Berg Pedersen / Ritzau Scanpix / AFP

Slys í sama rússíbana árið 2008

Árið 2008 varð slys í sama rússíbana í Friheden-tívolíinu. Þá slösuðust fjórir eft­ir að vagn af rússíban­an­um losnaði frá hinum og féll niður á jörðina.

Þau sem slösuðust voru öll rúmlega tvítug að aldri. 

Mbl.is greindi frá málinu á sínum tíma.

Í frétt danska ríkisútvarpsins segir að lögreglan muni skoða hvort eitthvað frá slysinu árið 2008 geti hjálpað við að skýra orsök slyssins í gær.

• Blogga um frétt