Lundúnabúar beðnir um að ferðast ekki

Breska veðurstofan hvetur fólk í Lundúnum til þess að ferðast einungis ef nauðsyn krefur á mánudag og þriðjudag vegna hita. Þá verður sumum skólum lokað vegna rauðrar veðurviðvörunarinnar.

Frétt af mbl.is

Fyrsta „rauða“ viðvörunin í Bretlandi

The Guardian greinir frá því að 80% líkur eru á að hitamet verði slegið en það var síðast sett í Cambridge árið 2019 er 38,7 stig mældust. 

Sumum lestum verður lokað í Englandi í byrjun næstu viku þar sem að mikill hiti getur haft áhrif á lestarteina og annan tækjabúnað og eru ferðalangar því beðnir um að ferðast einungis í brýnni nauðsyn.

„Það er einnig nauðsynlegt að fólk hafi með sér drykkjarvatn allt sem það fer,“ segir í tilkynningu.

BBC greinir frá því að sumum skólum verði lokað og ónauðsynlegum læknisheimsóknum frestað á meðan veðurviðvörunin sé í gildi.

• Blogga um frétt