Rússíbaninn verður rifinn

Rússíbaninn sem ung stúlka lést í á fimmtudag í í tív­olí­inu Fri­heden í Árós­um í Dan­mörku verður rifinn.

Frétt af mbl.is

Banaslys í Friheden-tívolí í Árósum

„Það er enginn vafi á því að við munum rífa niður rússíbanann,“ sagði Hans N. Hansen sem situr í stjórn Friheden. 

DR greinir frá því enn sé óvíst hvað olli slysinu á fimmtudag en lögreglan vinnur að rannsókn málsins, bæði með því að ræða við vitni og að skoða tækjabúnaðinn.

Frétt af mbl.is

Starfsmenn verða yfirheyrðir

Cobra-rússíbaninn er 25 metra hár og 400 metrar að lengd. 14 ára stúlka lést í slysinu og 13 ára strák­ur slasaðist.

Óvíst er hvenær tívolíið mun opna aftur en Henrik Ragborg Olesen, forstjóri Friheden, sagði að það væri óhugsandi að taka á móti gestum á skemmtanir eftir svo hörmulegt slys.

Árið 2008 varð slys í sama rúss­íbana í Fri­heden-tív­olí­inu. Þá slösuðust fjór­ir eft­ir að vagn af rúss­íban­an­um losnaði frá hinum og féll niður á jörðina.

Olesen sagði að slysið árið 2008 hafi verið skelfilegt en ekkert miðað við þessar hörmungar. 

14 ára stúlka lést í slysinu. AFP

• Blogga um frétt