Þúsundir í hættu á að svelta vegna lokana Rússa
Setja bókamerki
Josep Borrell, utanríkismálastjóri Evrópusambandssins, segir að með því að hindra aðgang að höfnum Úkraínu séu Rússar að stöðva kornflutning til tuga þúsunda manna sem eiga á hættu að svelta. Þessu ástandi verði að linna.
„Þetta er spurning um líf og dauða fyrir margar manneskjur. Rússar verða að opna [hafnirnar] aftur og leyfa úkraínsku korni að vera flutt út,“ segir Borell.
Rússneskir og úkraínskir samningamenn munu hitta embættismenn frá Tyrklandi og Sameinuðu þjóðunum í Istanbúl í Tyrklandi á miðvikudaginn til að ræða mögulega sátt sem gæti endað mánaðalanga lokun úkraínsku hafnanna.
Ásamt lokun Rússa á höfnunum hafa Úkraínumenn dreift tundurduflum í kringum þær hafnir sem þeir ráða enn yfir til að verja þær gegn árásum Rússa.
Landbúnaður í Úkraínu er mikilvæg uppspretta korns á heimsmarkaðinum, sérstaklega í Mið-Austurlöndum og Afríku, þar sem matvæli eru á skornum skammti.
Efla vill semja beint við dagforeldra
Ekki tekist að vernda börn þrátt fyrir vitneskju
Stefnt að afgreiðslu Íslandsbankasölu á vorþingi
Nýr gróðureldur blossar upp í Los Angeles
Hvað er Trump búinn að gera?
Viljum hvorki vera Danir né Bandaríkjamenn
Bendir hveitifyrirtæki á kærumöguleika
Íbúar komnir heim á ný