17 þingmenn demókrata handteknir
Setja bókamerki
Að minnsta kosti 17 þingmenn Demókrataflokksins voru handteknir í mótmælum fyrir réttindum kvenna til þungunarrofs fyrir utan Hæstarétt Bandaríkjanna í Washington í dag. Á meðal þeirra handteknu eru þingkonurnar Alexandria Ocasio-Cortez og Ilhan Omar.
Fyrir tæpum mánuði snéri Hæstiréttur Bandaríkjanna við dómnum Roe gegn Wade sem hafði tryggt konum rétt til þungunarrofs í um 50 ár. Hinn nýi dómur hefur verið harðlega gagnrýndur.
Lögreglan greindi frá því á Twitter að mótmælendur hefðu truflað umferð og fengið þrjár viðvaranir áður en lögreglumenn handtóku þá. Alls voru 35 mótmælendur handteknir.
Þingkonan Veronica Escobar greindi frá því á Twitter að hún væri meðal þeirra handteknu.
Þingkonan Alexandria Ocasio-Cortez var einnig handtekin en myndbandi af handtöku hennar hefur verið deilt á Twitter.
Víkingar komnir yfir 800 milljónir í greiðslur
Samfylking og Viðreisn gáfu loforð
Þetta eru ráðherrar ríkisstjórnarinnar
Alvarleg netárás á Wise
Bjarni: „Útilokað að þetta geti gengið upp“
„Þetta er ríkisstjórn almannahagsmuna“
Hrikalegt að heyra fréttirnar
Stormur á Þorláksmessu en víðast hvar stefnir í hvít jól
