Sunak líklegt forsætisráðherraefni
Setja bókamerki
Í dag verður ákveðið hvaða tveir ráðherrar munu keppast um að verða næsti forsætisráðherra Bretlands.
Fyrrverandi fjármálaráðherra Bretlands, Rishi Sunak, þykir líklegur til að vera einn af þeim tveimur sem koma til greina í valinu. Eftir atkvæðagreiðslu gærdagsins var hann aðeins tveimur atkvæðum frá því að tryggja sér þann rétt. Afsögn ráðherrans fyrrverandi var ein af ástæðum þess að Boris Johnsson forsætisráðherra, neyddist til að stíga til hliðar.
Sunak fékk 118 atkvæði, fyrrverandi varnarmálaráðherrann Penny Mordaunt fékk 92 atkvæði og utanríkisráðherrann Liz Truss 86 atkvæði.
Annað hvort Liz Truss eða Penny Mordaunt verða að öllum líkindum í baráttunni um forsætisráðuneytið ásamt Sunak. Truss er aðeins sex atkvæðum á eftir Mordaunt.
Íhaldsflokkurinn mun ákveða hver af þeim tveim sem fá flest atkvæði í dag muni verða næsti forsætisráðherra landsins. Niðurstöður þess er ekki að vænta fyrr en 5. september.
Hvernig sem atkvæðagreiðsla dagsins fer mun að öllum líkindum næsti forsætisráðherra annað hvort vera fyrsti Bretinn af asískum uppruna sem gegnir því embætti, eða þriðja konan í sögu landsins.
Ók á hóp fólks á jólamarkaði: Einn látinn
Fyrsti blaðamannafundurinn í heild sinni
Var engin kristnitaka árið 1000?
Bjarni: „Útilokað að þetta geti gengið upp“
Skattamál verði líklega „þeirra mesta klemma“
Beint: Ný ríkisstjórn tekin við völdum
„Börn heima sem maður myndi vilja hafa í skjóli“
Ný ríkisstjórn kynnt á morgun
