Umhverfissinnar stöðvuðu umferð í London

Umhverfissinnar stöðvuðu umferð á fjölförnustu hraðbraut Bretlands sem liggur í kringum London í dag til að mótmæla loftslagsbreytingum og biðla til yfirvalda að minnka útblástur.

Mótmælin koma í kjölfar hitabylgju sem hefur gengið yfir Bretland síðastliðna viku. Fjöldinn allur af hitametum í Bretlandi voru slegin á síðustu dögum. 

Frétt af mbl.is

Hitinn yfir 40 gráður í fyrsta sinn

16 slökkviliðsmenn slösuðust

Meðlimir aðgerðarhópsins Just Stop Oil stóðu fyrir mótmælunum og stöðvuðu umferðina sem varð til þess að margra kílómetra halarófa myndaðist á hraðbrautinni. Lögreglan þurfti að stíga inn í til að stöðva mótmælin og koma umferðinni aftur af stað. 

Hitinn fór yfir 40 gráður í fyrsta skiptið í suðurhluta Bretlands í gær. Hitinn varð til þess að eldar kviknuðu á ýmsum stöðum en sextán slökkviliðsmenn slösuðust í London í gær í baráttu við gróðurelda.

Just Stop Oil sagði í tilkynningu að félagar hópsins hörmuðu óþægindi gagnvart almenningi en ítrekuðu að þessi mótmæli væru aðeins byrjunin og að fólk mætti búast við fleiri aðgerðum í vikunni. 

• Blogga um frétt