Draghi hefur tilkynnt um afsögn sína

Mario Draghi, forsætisráðherra Ítalíu, sagði af sér í dag eftir eitt og hálft ár í starfi í kjölfar þess að þingmenn þriggja flokka stjórnarsamstarfs hans neituðu að taka þátt í atkvæðagreiðslu um traustsyfirlýsingu á hendur ríkisstjórninni.

Draghi tillkynnti Sergio Mattarella, forseta Ítalíu, formlega um afsögn sína í morgun en nú er það hans hlutverk að leiða landið úr kreppunni.

Talið er líklegt að Mattarella leysi upp þingið og boði til kosninga í september eða október. Draghi gæti gegnt hlutverki yfirmanns ríkisstjórnarinnar þangað til.

Frétt af mbl.is

Hafnaði afsögn forsætisráðherrans

Miðað við núverandi skoðanakannanir myndi hægrisinnað bandalag undir forystu Giorgia Meloni úr Fratelli d‘Italia (bræður Ítalíu) vinna kosningarnar.

Drag­hi til­kynnti fyrst um af­sögn sína fyr­ir viku síðan þegar hann missti stuðning fimm-stjörnu hreyf­ing­ar­inn­ar. Mattarella neitaði hins veg­ar að samþykkja af­sögn Dragi og bauð hon­um að koma fyr­ir þingið í þessari viku til þess að sjá hvort rík­is­stjórn­in hefði enn næg­an stuðning.

• Blogga um frétt