Muni segja af sér í annað sinn á viku

Búist er við því að Mario Draghi, forsætisráðherra Ítalíu, segi af sér í dag eftir að þrír flokkar neituðu að taka þátt í atkvæðagreiðslu um traustsyfirlýsingu á hendur ríkisstjórn hans. Þeir sögðu ómögulegt að endurheimta traustið sem tapaðist í síðustu viku.

Draghi tilkynnti fyrst um afsögn sína fyrir viku síðan þegar hann missti stuðning fimm-stjörnu hreyfingarinnar.

Frétt af mbl.is

Forsætisráðherra Ítalíu segir af sér

Frétt af mbl.is

Hafnaði afsögn forsætisráðherrans

Sergio Mattarella, forseti Ítalíu, neitaði hins vegar að samþykkja afsögn Dragi og bauð honum að koma fyrir þingið í næstu viku til þess að sjá hvort ríkisstjórnin hefði enn nægan stuðning.

Skoðanakannanir vikunnar bentu til þess að flestir Ítalir hefðu viljað sjá Draghi sitja í embætti sínu þar til kosningar fara fram í maí á næsta ári.

Drag­hi hef­ur ein­ung­is verið for­sæt­is­ráðherra frá því í fe­brú­ar á síðasta ári. Hann var for­seti seðlabanka Evr­ópu­sam­bands­ins frá ár­inu 2011 til 2019.

• Blogga um frétt