Einn hirti alla 16 milljarðana

Heppinn einstaklingur, með allar tölur réttar, vann stærsta vinning Eurojackpot frá upphafi í dag en upphæðin nemur alls 16.683.600.000 krónum.

Miðinn var keyptur í Danmörku og þar sem enginn annar var með allar tölur réttar, þarf sá heppni ekki að deila vinningsfénu, að því er fram kemur í tilkynningu.

Frétt af mbl.is

16,6 milljarða pottur í Eurojackpot

Átta einstaklingar komust nálægt því að fá hlutdeild í fyrsta vinningi en þeir þurfa að sætta sig við að deila á milli sín öðrum vinningi. Fær hver og einn því sem nemur tæpum 415 milljónum króna á mann. Voru sex af þeim vinningsmiðum keyptir í Þýskalandi, einn í Noregi og einn í Ungverjalandi.

Þá skipta 18 á milli sín þriðja vinningi og gerir það 17,8 milljónir á haus. 

Enginn vinningsmiði var keyptur á Íslandi í þetta skiptið.

• Blogga um frétt