Loftkældar verslanir þurfi að loka dyrum sínum

Verslanir sem eru loftkældar í Frakklandi munu þurfa að halda dyrum sínum lokuðum, annars verða þær sektaðar. 

Agnes Pannier-Runacher, umhverfisráðherra Frakklands, tilkynnti þessa nýju reglu í dag, sem hefur þó ekki tekið gildi, en markmiðið er að draga úr orkusóun.

Ráðherrann tilkynnti einnig áform um að banna notkun upplýstra auglýsingaskilta á milli klukkan eitt og sex á morgnana. Bannið mun þó hvorki ná til flugvalla né bensínstöðva.

• Blogga um frétt