Antony Blinken, utanríkisráðherra Bandaríkjanna, kveðst hafa beitt þrýstingi á fundi sínum með Sergei Lavrov, utanríkisráðherra Rússlands, í þeim tilgangi að fá tvo Bandaríkjamenn lausa úr haldi. 

Lavrov og Blinken funduðu í dag og var þetta fyrsti fundur þeirra frá innrás Rússa í Úkraínu. 

„Við áttum beinskeittar og skorinorðar samræður. Ég þrýsti á rússnesk yfirvöld að samþykkja veglegt tilboð sem við lögðum fram,“ sagði Blinken á blaðamannafundi að loknum fundinum. 

Um er að ræða tilboð sem lýtur að því að Rússar láti þau Brittany Griner, körfuboltakonu, og Paul Whelan, fyrrverandi hermann sjóhersins, laus úr haldi. Á móti myndu Bandaríkjamenn sleppa Viktor Bout, rússneskum vopnasmyglara. 

Þá kvaðst Blinken einnig hafa lagt áherslu á mikilvægi þess að Rússar virtu samkomulag sem Tyrkir höfðu miðlað, þess efnis að kornflutningur frá Úkraínu fái að hefjast á ný. 

Frá vinstri má sjá Viktor Brout sem Bandaríkjamenn bjóðast til að leysa úr haldi gegn því að Rússar sleppi Brittany Griner og Paul Whelan. AFP

Tengdar fréttir

Úkraína

Eldflaugavarnarkerfi í skiptum fyrir hermenn

• Rússar sagðir útvega N-Kóreu milljón olíutunnur
• Segir að friði verði aðeins náð með afli
• Hótar Bretum og Bandaríkjamönnum
• Segir að Rússar séu að nota Úkraínu sem tilraunasvæði

» Fleiri tengdar fréttir

Fangaskipti Rússlands og Bandaríkjanna

Morðingi og netþrjótar í skiptum fyrir blaðamenn

• Um­fangs­mikil fanga­skipti í Tyrk­landi
• Gershkovich og Whelan óvænt á barmi frelsis
• Stefni á að „eyðileggja“ og „sundra“ Rússlandi
• Samband Rússlands og Bandaríkjanna enn í „krísu“

» Fleiri tengdar fréttir

• Blogga um frétt