Einn stærsti lottóvinningur sögunnar

Bandaríkjamaður vann 1,3 milljarða dollara í Mega Millions-lottóinu, eða rúmlega 176 milljarða íslenskra króna. Um er að ræða einn stærsta lottóvinning bandarískrar sögu. 

Frétt af mbl.is

Keypti 50.000 lottómiða fyrir starfsmenn

Sá heppni hefur ekki gefið sig fram en miðinn var keyptur í Illinoisríki og var með allar sex tölur réttar. 

„Við erum himinlifandi yfir því að hafa orðið vitni að einum stærsta Mega Millions-vinningi sögunnar. Við hlökkum til að komast að því hver vann og geta óskað honum til hamingju fljótlega,“ er haft eftir Pat McDonald, framkvæmdastjóra Mega Millions, á vefsíðu fyrirtækisins. 

Lottóið er spilað í 45 ríkjum Bandaríkjanna en vinningurinn hefur ekki gengið út í meira en þrjá mánuði sem orsakar vinningsupphæðina. 

Líkurnar á að vinna í Mega Million-lottóinu er einn á móti 303 milljónum. Til samanburðar eru líkurnar á að verða fyrir eldingu um einn á móti 100 milljónum.

Vinningshafinn getur valið að fá alla upphæðina greidda í einni greiðslu eða skipta henni niður yfir 30 ára tímabil.

• Blogga um frétt