Rússneskur dómstóll hefur dæmt bandarísku körfuknattleikskonuna Brittney Griner í níu ára fangelsi. Var hún í dag sakfelld fyrir smygl og vörslu fíkniefna. Þá þarf hún einnig að greiða eina milljón rúbla í sekt, sem jafngildir rúmlega tveimur milljónum íslenskra króna.

Griner var handtekin á flugvellinum í Moskvu í febrúar eftir að rafrettuhylki með kannabisolíu fannst í farangri hennar.

„Ég vil að dómstóllinn skilji að þetta voru heiðarleg mistök sem ég gerði þegar ég var að flýta mér, undir álagi, að reyna að jafna mig eftir Covid og reyndi bara að komast aftur til liðsins míns,“ sagði Griner í dag.

Frétt af mbl.is

Játar sök en ætlaði sér ekki að brjóta lög

Höfð í búri fyrir sakborninga

Hún gekk inn í réttarsalinn í handjárnum, í fylgd nokkurra lögreglumanna og lögregluhunds, en var höfð í búri fyrir sakborninga áður en réttarhöldin hófust.

Lögmaður hennar, Maria Blagovolina, sagði fyrir rétti að magn efnisins sem Griner kom með til landsins hefði verið rétt yfir leyfilegu hámarki. Griner var aftur á móti fundin sek um smygl og vörslu „verulegs magns af fíkniefnum“.

Tengdar fréttir

Fangaskipti Rússlands og Bandaríkjanna

Morðingi og netþrjótar í skiptum fyrir blaðamenn

• Um­fangs­mikil fanga­skipti í Tyrk­landi
• Gershkovich og Whelan óvænt á barmi frelsis
• Stefni á að „eyðileggja“ og „sundra“ Rússlandi
• Samband Rússlands og Bandaríkjanna enn í „krísu“

» Fleiri tengdar fréttir

• Blogga um frétt