Grunaður um varðveislu gagna sem ógni þjóðaröryggi
Setja bókamerki
Húsleitarheimild bandarísku alríkislögreglunnar til leitar á heimili Donalds Trump, fyrrverandi Bandaríkjaforseta, hefur verið opinberuð.
Þar segir að alríkislögreglan hafi Trump grunaðan um að hafa í vörslum sínum eða dreifa, gögnum sem eru til þess fallin að ógna þjóðaröryggi.
Að fjarlægja leynileg gögn úr vörslum ríkisins er glæpur sem varðar allt að fimm ára fangelsisrefsingu, í tilfelli embættismanna eða fyrrverandi embættismanna.
Ekki leitað í gestaherbergjunum
Húsleitarheimildin spannaði sjö blaðsíður, en þar var veitt heimild til leitar á Mar-a-Lago heimili Trump, meðal annars í svokallaðri „45 skrifstofu“ og geymslurými, en ekki gestaherbergi þar sem Trump dvaldi sjálfur ásamt starfsfólki sínu.
Trump tjáði sig sjálfur um málið á sínum eigin samfélagsmiðli, Truth Social platform, og lýsti því yfir gagnvart fylgjendum sínum að þau gögn sem fjarlægð voru af heimili hans hafi ekki verið leynileg.
„Þeir hefðu getað fengið þetta hvenær sem er, eina sem þeir þurftu að gera var að spyrja.“
Er þetta í fyrsta skipti, í sögu Bandaríkjanna, sem húsleit hefur verið gerð á heimili fyrrverandi forseta vegna sakamálarannsóknar.
Tekur ekki undir orð Ragnars Þórs og Ásthildar Lóu
Vetrarblæðinga vart í Öxnadal
Foreldrum sagt að heimanám væri verkfallsbrot
Kröfugerðin skýr en upphæðin ekki
„Við erum ákveðin og okkur verður ekki hvikað“
Kannanir nákvæmari en fyrir fjórum árum
Appelsínugular- og gular viðvaranir í dag