Fundu sprengju í tösku á útihátíð

Sprengjusveit var kölluð til á útihátíð í miðborg Stokkhólms þegar tilkynnt var um tösku sem skilin hafði verið eftir í Kungsträdgården-almenningsgarðinum. Sprengju hafði verið komið fyrir í töskunni.

Sænska lögreglan sá til þess að tónleikagestir yfirgæfu svæðið, en þeir skiptu hundruðum.

Sprengjusveitin aftengdi sprengjuna á staðnum, að því er segir í tilkynningu lögreglu. 

„Innihald sprengjunnar verður nú rannsakað. Eftir það verður hægt að leggja mat á það hvort sprengjan hafi verið hættuleg,“ er þar haft eftir lögreglustjóranum í Stokkhólmi, Erik Akerlund.

Lögreglan hefur nú hafið yfirheyrslur og talað við vitni á staðnum, ásamt því að skoða myndefni úr öryggismyndavélum á útihátíðinni.

• Blogga um frétt