Vikið frá störfum eftir handtöku

Ríkislögreglustjóri Arkansas í Bandaríkjunum hefur hafið rannsókn á þremur lögregluþjónum í Mulberry eftir að myndskeið, sem sýnir mjög ofbeldisfulla handtöku sem þeir framkvæmdu í gær, komst í umferð á lýðnetinu.

Hefur lögregluþjónunum verið vikið tímabundið úr starfi á meðan málið er til rannsóknar en á það hefur verið horft mörgum milljón sinnum á samfélagsmiðlum og notendur þar rætt málið eftir því.

Skellt í jörðina

Kona nokkur tók myndskeiðið upp við bensínstöð í bænum þar sem þremenningarnir höfðu skólausan mann í haldi og sátu tveir þeirra ofan á honum. Þegar vitnið bar að garði voru lögregluþjónarnir hins vegar að ræða við manninn sem sat á gangstéttarbrún. Þegar hann reyndi svo að forða sér var honum skellt í jörðina umsvifalaust.

Bill Sadler, talsmaður ríkislögreglustjóra, kveður fulltrúa þar á bæ nú rannsaka málið og fara yfir myndskeiðið. Hann hafi ekkert frekar um málið að segja og engar upplýsingar um persónu fórnarlambsins.

Arktimes.com
Nypost.com

• Blogga um frétt