Los Angeles-sýsla hefur verið dæmd til greiða ekkju körfuboltamannsins Kobe Bryant skaðabætur vegna mynda sem lögreglumenn tóku og dreifðu, af slysstað þar sem Bryant lést.

Vanessu Bryant voru dæmdar 16 milljónir dala eða því sem samsvarar 2,3 milljörðum íslenskra króna í skaðabætur vegna tilfinningalegs tjóns sem hún varð fyrir þegar lögreglan í Los Angeles tók myndir á slysstað og dreifði.

Chris Chester einnig dæmdar skaðabætur

Bryant og dóttir hans létu lífið er þyrla hans hrapaði til jarðar í Calabasas í Kaliforníu í janúar árið 2020. Bryant er af mörgum talinn einn besti körfuboltamaður allra tíma.

Þá þarf sýslan einnig að greiða Chris Chester, sem missti dóttur sína og eiginkonu í slysinu, 15 milljónir dala eða því sem samsvarar 2,1 milljörðum króna í skaðabætur vegna myndanna.

Kviðdómendur komust að þessari niðurstöðu eftir að hafa rætt málið fram og til baka í 4 og hálfan tíma.

Frétt af mbl.is

Frú Bryant í mál vegna mynda af þyrluslysinu

Ekkert rannsóknarlegt gildi

Krafðist Vanessa greiðslu skaðabóta nokkrum mánuðum eftir andlátið vegna þess til­finn­inga­lega tjóns sem hún hef­ur orðið fyr­ir í kjöl­far þess að lög­regluþjón­ar í LA tóku mynd­ir af slysvett­vangi og deildu með öðrum.

Fjöl­marg­ir lög­regluþjón­ar voru á slysstað sem sumir hverj­ir tóku mynd­ir á síma af „látn­um börn­um, for­eldr­um og þjálf­ur­um“, að því er segir í ákær­unni.

Mynda­tök­urn­ar höfðu ekk­ert rann­sókn­ar­legt gildi, að sögn lögreglu.

Tengdar fréttir

Kobe Bryant

Frétti af andláti Bryants á samfélagsmiðlum

• Frú Bryant í mál vegna mynda af þyrluslysinu
• Lögsækir fyrirtækið sem átti þyrluna
• Íslensk skilaboð á minnisvarða Kobe Bryants
• Þyrlan mátti ekki fljúga í þoku

» Fleiri tengdar fréttir

• Blogga um frétt