Hætta á leka á geislavirkum efnum
Setja bókamerki
Hætta er á leka á geislavirkum efnum frá kjarnorkuverinu í Saporisjía í suðurhluta Úkraínu, að sögn talsmanna hjá úkraínsku kjarnorkumálastofnuninni, Energoatom.
Kjarnorkuverið er það stærsta í Evrópu en auknar áhyggjur eru vegna bardaga í nágrenni við kjarnorkuverið, sem hefur verið í höndum Rússa frá því að innrásin í Úkraínu hófst í febrúar.
Energoatom greinir frá því að rússneskir hermenn hafi ítrekað skotið á kjarnorkuverið síðustu daga. Varnarmálaráðuneyti Rússlands telur úkraínska hermenn hins vegar eiga sök.
„Afleiðing skotárásanna eru að innviðir kjarnorkuversins hafa skemmst, hætta er á vetnisleka og leka geislavirkra efna, eldhætta er mikil,“ greindi stofnunin frá á Telegram.
Energoatom greindi einnig frá því að frá og með deginum í dag er aukin hætta á að starfsemi kjarnorkuversins brjóti gegn reglum um brunavarnir og geislavirkni.
Óvissustigi á Vestfjörðum aflýst
Viðreisn krefst aðildarviðræðna við ESB
Viðreisn gæti valið stjórn
Mjög dýrt að tryggja landamærin
Frestar skerðingum fyrir norðan og austan
Viðreisn í mikilli sókn
