Jens Stoltenberg, framkvæmdastjóri Atlantshafsbandalagsins, NATO, leggur áherslu á aukið öryggi bandalagsins á norðurslóðum vegna ógnar af hálfu Rússa.

Í heimsókn sinni til Kanada sagði hann norðurslóðir vera mikilvægar þegar kemur að öryggi í Evrópu og á Atlantshafi. Hann sagði að með aðild Finna og Svía að NATO séu sjö af átta ríkjum norðurslóða orðin hluti af sambandinu.

Frétt af mbl.is

Mikilvæg lega Íslands mun ekki breytast

„Stysta leiðin til Norður-Ameríku fyrir rússnesk flugskeyti og sprengjur yrði yfir norðurpólinn,“ varaði hann við. „Þetta þýðir að hlutverk NORAD (loftvarnarstofnun Norður-Ameríku) er nauðsynlegt fyrir Norður-Ameríku og þar af leiðandi fyrir NATO,“ sagði Stoltenberg, sem bætti við að NATO verði að auka viðveru sína á norðurslóðum.

Stoltenberg heilsar kanadískum hermanni. AFP

Möguleikar Rússa lengst í norðri eru „strategísk áskorun fyrir allt bandalagið“ bætti hann við og átti þar við aukin hernaðarumsvif Rússa á svæðinu. Í tengslum við þetta nefndi hann „hundruð hersvæða, bæði nýrra og frá tíma fyrrverandi Sovétríkjanna“ og nýtingu Rússa á norðurslóðum „sem tilraunasvæði fyrir háþróuð vopn á borð við hljóðfráar eldflaugar“.

Tengdar fréttir

Varnarmál Íslands

Ísland taki virkan þátt í öryggis- og varnarmálum

• Tékkneski flugherinn gætir Íslands á næsta ári
• Ísland yrði ekki undanskilið í stríði
• Átök geta haft meiri áhrif á Íslandi en nokkru sinni fyrr
• Án fordæma á lýðveldistímanum

» Fleiri tengdar fréttir

• Blogga um frétt