6,6 stiga skjálfti í Kína

Jarðskjálfti af stærðinni 6,6 gekk yfir suðvesturhluta Kína í morgun. Byggingar í borginni Chengdu hristust en þar hafa milljónir manna þurft að halda sig heima við vegna kórónuveirufaraldursins.

Frétt af mbl.is

Milljónir fastar heima

Skjálftinn varð um 43 kílómetrum suðaustur af borginni Kangding í héraðinu Sichuan.

Engar fregnir hafa borist af meiðslum. 

„Ég fann hann ansi vel,“ sagði Chen, íbúi í Chengdu. „Sumir nágranna minna á jarðhæð sögðust hafa fundið mjög vel fyrir honum.“

Yfir 500 manns hafa verið kallaðir út til aðstoðar, en þó nokkrir eftirskjálftar hafa orðið á nærliggjandi svæðum.

Uppfært kl. 8.18:

Að minnsta kosti sjö eru látnir eftir jarðskjálftann, að sögn ríkisfjölmiðilsins CCTV.

Þar kemur fram að „alvarlegar skemmdir á húsum vegna aurskriða“ hafi orðið í nokkrum bæjum í héraðinu Sichuan.

• Blogga um frétt