Gögn um vopnabúr erlends ríkis fundust
Setja bókamerki
/frimg/1/50/48/1504890.jpg)
Í einu þeirra leynilegu skjala sem bandaríska alríkislögreglan, FBI, fann á heimili Donalds Trump, fyrrverandi Bandaríkjaforseta, voru upplýsingar um varnarmál erlends ríkis, þar á meðal kjarnorkuvopnabúr.
Washington Post greindi frá þessu.
Blaðið, sem vísaði í ónafngreinda heimildarmenn, sagði að sum skjalanna sem fundust í húsi Trumps, Mar-a-Lago, voru svo háleynileg að aðeins forsetinn og ríkisstjórnin eða háttsettir embættismenn nátengdir ríkisstjórninni máttu veita öðrum embættismönnum aðgang að þeim.
Ekki kom fram um hvaða erlenda ríki er að ræða.
Að sögn Post þarf sérstakt samþykki fyrir því að sjá háleynileg skjöl sem þessi.
Ekki kom fram hvar í húsinu skjölin fundust en þar er einnig starfræktur einkaklúbbur.
Trump er undir auknum lagalegum þrýstingi vegna málsins. Bandaríska dómsmálaráðuneytið segir að leynileg skjöl hafi líklega verið falin til að hindra rannsókn FBI á málinu.
Íranir hafna allri aðild að banatilræðinu
Langþráð hótel gæti risið á næsta ári
86 milljóna króna hagnaður Icelandair
Í sjokki þegar þau sáu konuna í sjónum
Sveitalubbinn með Hvíta húsið í sigtinu
Íslenskt tónskáld tilnefnt til Emmy verðlauna
Mikið magn af rauðvínspóstum eftir helgar
Frömdu hundruð stríðsglæpa í árásinni