Víða um heim hafa fánar opinberra bygginga verið dregnir niður í hálfa stöng í kjölfar andláts Elísabetar II. Bretadrottningar.

Þar á meðal er sá bandaríski, en í Hvíta húsinu hefur hann verið dreginn niður, auk annarra opinberra bygginga að beiðni Joe Bidens Bandaríkjaforseta, þar á meðal fána þinghússins.

Fánar á skipum og höfnum Bandaríkjaflota, sem og aðrir fánar hersins verða einnig dregnir niður í hálfa stöng, samkvæmt fyrirskipun frá Hvíta húsinu.

Í Kanada, sem heyrir undir bresku krúnuna, var fáni Friðarturnsins í höfuðborginni Ottawa dreginn í hálfa stöng þegar fregnirnar bárust.