Það hefur nú verið staðfest að útför Elísabetar II drottningar muni fara fram mánudaginn 19. september í Westminster Abbey í Lundúnum.

Útförin mun jafnframt marka síðasta dag þjóðarsorgar, að því er BBC greinir frá.

Þjóðhöfðingjum alls staðar úr heiminum verður boðið að mæta í útförina til að minnast drottningarinnar. Einnig er búist við að háttsettir breskir stjórnmálamenn og fyrrverandi forsætisráðherrar verði viðstaddir.

Karl III Bretlandskonungur samþykkti fyrr í dag að dagur útfarar móður hans yrði frídagur í Bretlandi.

Konungar og drottningar Bretlands hafa verið krýnd í kirkjunni og þar giftist Elísabet Filippusi prins árið 1947.

Tengdar fréttir

Kóngafólk

Beatrice prinsessa orðin tveggja barna móðir

• Forréttindi að þurfa ekki að kveðja móður sína
• Katrín prinsessa á batavegi
• Katrín sýndi þakklæti í verki
• Hjónin bæði með gangráð fyrir helgi

» Fleiri tengdar fréttir

• Blogga um frétt