21 ár frá hryðjuverkaárásunum á Bandaríkin

Í dag eru tuttugu og eitt ár síðan hryðjuverkaárásirnar á tvíburaturnana í New York og Pentagon-bygginguna í Washington í Bandaríkjunum voru framdar. 

Tæp­lega 3000 manns létu lífið þann 11. sept­em­ber árið 2001 þegar meðlimir hryðjuverkasamtakanna Al-Qa­eda rændu fjórum farþega­flug­vél­um og stýrðu þeim á byggingar í Bandaríkjunum.

Tveim vélum var stýrt á tvíburaturnana og einni á skrifstofur varnarmálaráðuneytis Bandaríkjanna, Pentagon. Fjórða vélin átti að fljúga á bandaríska þinghúsið en hrapaði á engi í fylkinu Penn­sylvan­íu. 

Frétt af mbl.is

Vendipunktur í veraldarsögunni

Frétt af mbl.is

2.749 fórust í árásinni á World Trade Center 11. september 2001

Ættingjar fórnarlambanna héldu minningu þeirra á lofti. AFP/Yuki Iwamura

Ættingjar fórnarlambanna, lögreglumenn, slökkviliðsmenn og kjörnir fulltrúar í New York-borg söfnuðust saman við minnisvarða sem er tileinkaður fórnarlömbunum í dag. Voru nöfn fórnarlambanna lesin upp eins og venja er fyrir.

Nöfn fórnarlambanna voru lesin upp á minningarathöfninni. AFP/Yuki Iwamura

Bjöllum var hringt og kyrrðarstundir fóru fram klukkan 08:46 og 09:03, en það var einmitt á þeim tíma fyrir tuttugu og einu ári þegar flugvélarnar tvær flugu inn í tvíburaturnana.

Fjöldi fólks mætti á minningarathöfnina í dag. AFP/Yuki Iwamura

• Blogga um frétt