Almenningur fær í fyrsta sinn í dag tækifæri til að sjá kistu Elísabetar Bretlandsdrottningar í dómkirkju í Edinborg í Skotlandi.

Kistan var flutt í Holyroodhouse-höllina í borginni í gær.

Frétt af mbl.is

Kista Elísabetar komin til Edinborgar

Búist er við að þúsundir manna noti tækifærið og virði kistuna fyrir sér og kveðji drottninguna í leiðinni í St. Giles, dómkirkjunni, viku fyrir útför Elísabetar í Lundúnum.

Karl konungur og Kamilla drottning ætla að fljúga til Edinborgar í dag til að vera viðstödd athöfn í kirkjunni eftir að Karl hefur flutt sína fyrstu ræðu sem konungur á breska þinginu.

Líkkistan verður flutt eftir hinni sögufrægu konunglegu mílu í Edinborg frá Holyroodhouse-höllinni yfir í dómkirkjuna. Þar verður kistan í 24 klukkustundir „til að almenningur í Skotlandi geti vottað virðingu sína“, sagði embættismaður hallarinnar.

Búist er við mikilli öryggisgæslu og löngum biðröðum á svæðinu.

Tengdar fréttir

Kóngafólk

Beatrice prinsessa orðin tveggja barna móðir

• Forréttindi að þurfa ekki að kveðja móður sína
• Katrín prinsessa á batavegi
• Katrín sýndi þakklæti í verki
• Hjónin bæði með gangráð fyrir helgi

» Fleiri tengdar fréttir

• Blogga um frétt