Hafi endurheimt sex þúsund ferkílómetra
Setja bókamerki
Volodimír Selenskí Úkraínuforseti segir hersveitir landsins hafa endurheimt meira en sex þúsund ferkílómetra svæði af Rússum í september, bæði í austur- og suðurhluta landsins.
BBC greinir frá þessu en kveðst ekki geta staðfest þessa tölu.
Rússar hafa viðurkennt að hafa misst lykilborgir í Karkív-héraði í norðausturhluta Úkraínu. Sumir hernaðarsérfræðingar telja að það gæti markað þáttaskil í stríðinu.
Stjórnvöld í Rússlandi segja að brotthvarf hersveita þeirra frá héraðinu undanfarna daga þýði að herinn sé að „endurskipuleggja sig“ og að hann ætli að einbeita sér að héruðunum Luhansk og Donetsk í austurhluta Úkraínu.
„Frá byrjun september og þangað til í dag hafa hermenn okkar nú þegar frelsað meira en 6 þúsund ferkílómetra landsvæði í Úkraínu bæði í austri og suðri,“ sagði Selenskí í ávarpi sínu seint í gærkvöldi.
Viðreisn í mikilli sókn
Greiningarmiðstöð hluti af 13 landamæraaðgerðum
Hálfgerð martröð fyrir kosningastjóra
/frimg/1/52/96/1529614.jpg)
Hálf öld liðin frá hvarfi Geirfinns
Allt frá nokkrum tímum upp í viku í nýrri miðstöð
Upptökur með leynd færast í vöxt
