Hersveitir frá Aserbaídsjan eru að reyna að komast inn á landsvæði Armeníu. Þessu greindi armenska varnarmálaráðuneytið frá snemma í morgun, en blóðug átök hafa átt sér stað við landamæri landanna.

„Hersveitir frá Aserbaídsjan halda áfram að beita stórskotahríð,“ sagði ráðuneytið eftir bardaga í nótt þar sem hermenn beggja landa féllu í valinn.

Fram kom einnig að ráðist hafi verið á innviði í landinu. „Óvinurinn er að reyna að komast áleiðis (inn á landsvæði Armeníu),“ sagði í tilkynningunni.

Nikol Pashinyan, forsætisráðherra Armeníu, hringdi í morgun í heimsleiðtoga þar sem hann krafðist „viðeigandi viðbragða“ vegna stöðu mála. Skrifstofa hans hringdi í Emmanuel Macron Frakklandsforseta, Vladimír Pútín Rússlandsforseta og Antony Blinken, utanríkisráðherra Bandaríkjanna.

Tengdar fréttir

Átök Armeníu og Aserbaísjan

Uppfyllti „drauminn“ um að hrekja Armena á brott

• Friðargæsluliðar í héraðinu í fyrsta sinn í 30 ár
• 100 þúsund flúið Nagornó-Kara­bak
• Nagornó-Karabak líður undir lok á nýju ári
• Um helmingur íbúa hefur flúið svæðið

» Fleiri tengdar fréttir

• Blogga um frétt