Samþykktu samning við Musk

Hluthafar í Twitter hafa samþykkt að halda til streitu samningi sem var gerður við Elon Musk um að kaupa fyrirtækið fyrir 44 milljarða Bandaríkjadala.

Frétt af mbl.is

Musk storkar stjórnendum Twitter

Ákvörðunin var tekin á stuttum fundi með fjárfestum í höfuðstöðvum fyrirtækisins í San Francisco.

Þetta þýðir að Twitter reynir núna að neyða Musk til að kaupa fyrirtækið í dómsal.

AFP/Lionel Bonaventure

Fundur hluthafanna var haldinn eftir vitnisburð fyrrverandi öryggisstjóra Twitter, Peiter Zatko, á Bandaríkjaþingi. Þar sagði hann samfélagsmiðillinn hafa hunsað áhyggjur hans varðandi öryggismál.

Frétt af mbl.is

Twitter stefnir Elon Musk fyrir dóm

Twitter samþykkti í apríl að selja Musk, ríkasta manni heims, fyrirtækið. Hann sagðist í framhaldinu hafa fengið misvísandi upplýsingar frá Twitter og ætlaði að hætta við kaupin. Twitter segir aftur á móti að Musk geti ekki dregið sig út úr samningnum.

• Blogga um frétt