Vladimír Pútín Rússlandsforseti, og Xi Jinping, forseti Kína, hittust í fyrsta sinn augliti til auglitis í gær síðan Rússar réðust inn í Úkraínu.

Frétt af mbl.is

Xi Jinping og Pútín munu funda um Úkraínu

„Kína er tilbúið til að leggja sitt af mörkum ásamt Rússum sem stórveldi og veita leiðsögn til að koma á stöðugleika og jákvæðri orku í heimi þar sem samfélagsleg ringulreið hefur ríkt,“ sagði Xi við Pútín í viðræðum á ráðstefnu í Úsbekistan í gær.

Kínverski ríkisfjölmiðillinn CCTV hafði einnig eftir Xi að Kínverjar væru tilbúnir til að starfa með Rússum þannig að „hagsmunir beggja“ verði verndaðir.

Pútín á ráðstefnunni. AFP

Óásættanlegar tilraunir

Pútín gagnrýndi Bandaríkjamenn, sem hafa verið leiðandi þegar kemur að stuðningi við Úkraínu og við að innleiða refsiaðgerðir gegn Rússum.

„Tilraunir til að búa til einpóla heim hafa nýlega tekið á sig ljóta mynd og eru algjörlega óásættanlegar,“ sagði Pútín.

„Við kunnum vel að meta afstöðu kínverskra vina okkar í tengslum við Úkraínu-krísuna sem felur í sér jafnvægi,“ sagði Pútín við Xi í viðræðunum.

Einnig minntist Pútín á stuðning Rússa við Kínverja vegna málefna Taívans.

Frétt af mbl.is

Kínverjum gremst vopnasala til Taívan

„Við fylgjum hugmyndinni um eina kínverska þjóð. Við fordæmum ögranir Bandaríkjamanna og fylgihnattar þeirra á Taívansundi,“ sagði Pútín, eftir að bandarísk þingnefnd tók á miðvikudag fyrstu skref fyrir bandarísk stjórnvöld um að veita milljónum dollara í hernaðaraðstoð til Taívans.

Tengdar fréttir

Úkraína

Munu hefja fjöldaframleiðslu á eldflaugunum

• Pútín reynir allt til að forðast aðra herkvaðningu
• Svíar virða ögranir Rússa að vettugi
• Efast ekki um að Bandaríkin átti sig á skilaboðum
• Eldflaugavarnarkerfi í skiptum fyrir hermenn

» Fleiri tengdar fréttir

• Blogga um frétt