Klæðist herbúningi við kistu Elísabetar
Harry Bretaprins ásamt Meghan hertogaynju fyrr í vikunni.
AFP/Danny Lawson/Pool
Setja bókamerki
Barnabörn Elísabetar sálugu Bretlandsdrottningar, þar á meðal prinsarnir Vilhjálmur og Harry, munu standa í kringum kistu hennar í Westminster Hall í kvöld til að votta henni virðingu sína.
Að ósk Karls konungs verður Harry klæddur herbúningi í fyrsta sinn síðan 2020, að sögn BBC.
Síðan drottningin lést hefur Harry klæðst hefðbundnum fötum á opinberum viðburðum.
Börn drottningarinnar, þar á meðal Karl, stóðu við kistuna í um tíu mínútur í gærkvöldi. Búist er við því að viðburðurinn í kvöld standi yfir í um 15 mínútur.
Þúsundir manna bíða í biðröðinni.
AFP/Stephane de Sakutin
16 klukkutímar í biðröð
Löng biðröð hefur verið fyrir utan Westminster Hall þar sem fólk þarf að bíða í allt að 16 klukkustundir eftir því að komast þangað inn og votta drottningunni virðingu sína.
Jarðarför Elísabetar verður á mánudaginn.
Finna annmarka á kosningum og vísa til Alþingis
„Það er eitthvað hryllilegt búið að gerast“
„Þetta er okkar öflugasta eldstöð“
Tugprósenta vöxtur í tilraunum til netárása
Tæpur hálfur milljarður í ýmsan kostnað þingmanna
Gosið 2014: Glóandi dreki og land í bláu skini
Endurgreiðir 2,4 milljarða