Wu Zunyou, sóttvarnalæknir Kína, hefur varað íbúa við því að „snerta“ útlendinga vegna hættu á apabólusmiti. Fyrsta tilfelli sjúkdómsins greindist í landinu í gær.

Ráðleggingin, sem birtist á kínverska samfélagsmiðlinum Weibo, hefur vakið hörð viðbrögð og þykir mörgum hún bera vott um rasisma. 

BBC greinir frá.

Frétt af mbl.is

Apabólufaraldurinn á niðurleið

„Til að koma í veg fyrir apabólusmit og sem hluti af heilbrigðu líferni er mælt með því að 1) þú forðist beina snertingu við húð útlendinga,“ segir í færslunni sem birtist í gær. Búið er nú að loka á athugasemdakerfið.

Þá mælti sóttvarnalæknirinn sömuleiðis gegn því að fólk snerti ókunnuga jafnt sem ferðalanga sem væru nýkomnir til landsins eftir ferðalag erlendis.

Frétt af mbl.is

Dauðsfall tengt apabólu í Bandaríkjunum

Fyrst tilfelli af apabólu greindist í gær í Kína í borginni Chongqing, sem staðsett er í suðvesturhluta landsins. Einstaklingurinn sem reyndist smitaður hafði nýlega verið erlendis. Ekki liggur fyrir hvort að um ferðamann sé að ræða eða kínverskan ríkisborgara.

Tengdar fréttir

Apabóla

Greindist með apabólu án þess að hafa ferðast

• ECDC: Evrópa búi sig undir fleiri apabólusmit
• Almenningur ekki í hættu en vel fylgst með
• Fyrsta tilfellið greinist utan Afríku
• Ekki mikil reynsla á bóluefni við apabólu

» Fleiri tengdar fréttir

• Blogga um frétt