Mælistöðvar í Svíþjóð og Dan­mörku greindu kröft­ug­ar spreng­ing­ar neðan­sjáv­ar í gær á þeim svæðum þar sem leki hef­ur greinst í gas­leiðslum Nord Stream 1 og 2 í Eystra­salti.

Sænska rík­is­út­varpið grein­ir frá þessu.

Sænski jarðeðlis­fræðing­ur­inn Björn Lund seg­ir eng­an vafa leika á að um hafi verið að ræða spreng­ingu.

Þýska ríkið rann­sak­ar nú hvort árás hafi valdið lek­an­um í Nord Stream-gas­leiðsl­un­um.

Frétt af mbl.is

Erfitt að ímynda sér að lek­arn­ir séu slys

Gas­lek­inn hættu­leg­ur

Danska sigl­inga­mála­stofn­un­in til­kynnti í gær um hættu­leg­an gas­leka í Eystra­salti ná­lægt Nord Stream 2-gas­leiðslunni óvirku. Þrýst­ing­ur í leiðslunni hafði þá minnkað. 

Gas­leiðslan Nord Stream 2 ligg­ur sam­hliða Nord Stream 1 og var ætlað að tvö­falda inn­flutn­ing sjó­leiðis á gasi frá Rússlandi til Þýska­lands.

Síðar kom í ljós að leki hafði orðið á þrem­ur stöðum í gas­leiðsl­un­um Nord Stream 1 og 2. Mette Frederik­sen, for­sæt­is­ráðherra Dan­merk­ur, sagði það ólík­legt að um óhapp hefði verið að ræða.

„Maður sér greini­lega hvernig bylgj­urn­ar hreyf­ast frá botn­in­um og að yf­ir­borðinu. Það leik­ur einginn vafi á að þarna hafi verið spreng­ing. Við erum meira að segja með mælistöð í Kalix sem greindi þetta,“ sagði Björn Lund jarðeðlis­fræðing­ur í sam­tali við sænska rík­is­út­varpið.

Frétt af mbl.is

Gas­leki frá Nord Stream 2-gas­leiðslunni

Tengd­ar frétt­ir

Úkraína

„Mjög skýrt að Evr­ópa mun ekki bakka“

• Rúss­ar skilji aðeins vald­beit­ingu
• Hafa sent þrjú þúsund her­menn til viðbót­ar á þessu ári
• Kristrún sæk­ir leiðtoga­fund í Par­ís
• Hafa rænt fleiri en tutt­ugu þúsund börn­um

» Fleiri tengd­ar frétt­ir

• Blogga um frétt