Takmarka flugferðir frá Schiphol flugvelli

Ákveðið hefur verið að takmarka fjölda flugferða frá Schiphol flugvelli í Amsterdam í Hollandi þar til í lok mars á næsta ári vegna langra biðraða og skorts á starfsfólki á flugvellinum.

Undanfarna mánuði hafa farþegar á Schiphol staðið frammi fyrir biðröðum sem hafa varað í margar klukkustundir. Þá hefur framkvæmdastjóri flugvallarins, Dick Benschop, sagt af sér.

Frétt af mbl.is

Framkvæmdastjóri Schiphol segir upp

Rekstrarstjóri flugvallarins, Hanne Buis, viðurkennir að takmarkanirnar séu „pirrandi“ og segir það vera „stórt verkefni á mjög þröngum vinnumarkaði“ að bæta ástandið.

Í yfirlýsingu frá flugvellinum segir að um áramótin verði skoðað hvort mögulegt verði að fjölga flugferðum í lok janúar.

• Blogga um frétt