Telja erlent ríki bera ábyrgð á lekunum

Rúss­nesk stjórn­völd segja að er­lent ríki beri lík­lega ábyrgð á því að lek­ar urðu á Nord Stream 1 og 2 gas­leiðsl­un­um sem flytja gas frá Rússlandi til Þýska­lands.

„Það er mjög erfitt að ímynda sér að slíkt hryðju­verk gæti gerst án aðkomu rík­is,“ sagði talsmaður rúss­neskra yf­ir­valda, Dimitrí Peskov, á blaðamanna­fundi í dag.

Frétt af mbl.is

Gruna Rússa um skemmd­ar­verk á gas­leiðsl­un­um

Frétt af mbl.is

Fjórði gas­lek­inn í Eystra­salti

Fjórði lek­inn fannst í leiðsl­un­um fyrr í dag en mælistöðvar í Svíþjóð og Dan­mörku greindu kröft­ug­ar spreng­ing­ar neðan­sjáv­ar fyrr í vik­unni á þeim svæðum þar sem lek­arn­ir hafa orðið.

Stjór­nvöld víða í Evr­ópu gruna Rússa um að hafa framið skemmd­ar­verk á gas­leiðsl­un­um. 

Ástandið krefj­ist brýnn­ar rann­sókn­ar

„Þetta er afar hættu­legt ástand sem krefst brýnn­ar rann­sókn­ar,“ sagði Peskov en Rúss­ar hófu í gær „alþjóðlega hryðju­verk­a­rann­sókn“ á lek­un­um.

Peskov sagði slíka rann­sókn krefjast sam­vinnu nokk­urra ríka og for­dæmdi að marg­ir þjóðir neituðu að hafa sam­band við Rúss­land.

Frétt af mbl.is

Rúss­ar vilja fund um gas­lek­ann í Örygg­is­ráðinu

Frétt af mbl.is

Biden svari fyr­ir hót­an­ir um enda­lok Nord Stream

Talskona ut­an­rík­is­ráðuneyt­is Rúss­lands sagði í gær að Joe Biden, for­seti Banda­ríkj­anna, yrði að svara fyr­ir það hvort Banda­rík­in beri ábyrgð á gas­lek­un­um.

• Blogga um frétt